يا صاحبي افهم شعور إنسان يغليك
شعور مليان حب وصداقة وروح تفديك
**
يا صاحبي خلي المحبة دوم طاريك
وابعد عن اللي دوم يحب يضرك ويأذيك
**
يا صاحبي الله معك دوم ولا يخليك
وهو الذي دوم من خيره وفضله يعطيك
**
يا صاحبي أسال من الله أنه يهديك
ويعطيك راحة ورفعة عن الناس تكفيك
**
يا صاحبي عمر الصداقة ما توفي معاليك
وش حيلتي لا عطيتك كل اللي يرضيك
**
يا صاحبي لا غبت تراني بشوق أحتريك
ويا سعادة القلب لا شافتك عين مغليك
**
يا صاحبي أرفق على نفس دوم تطريك
نفس لا جيتها تعبان هي اللي تدفيك
**
يا صاحبي الروح ما ترتاح إلين تشكيك
هم هالدنيا اللي على الضيقة ترسيك
**
يا صاحبي لا تبخل على قلب تعلق فيك
قلب يبي من طيبتك وأحلى معانيك
**
يا صاحبي إن ما رويت القلب اللي يبيك
ترى يتعب ويذبل وخوفي أنه يجافيك
**
يا صاحبي لا تأمن على الدنيا أو تغريك
ترى يوم تعيش فقير ويوم تعيش مليك
**
يا صاحبي ترى بتكون تراب ومالك شريك
وبتكون أنت وعملك ولا أحد يسليك
**
يا صاحبي شوفني قدامك والله أبيك
عمر قلبي ما تمنى إلا إنه دوم يماشيك
ليست هناك تعليقات:
إرسال تعليق